2017-11-21

Sortzen Elkarteak, Ikasle Euskaldun Eleaniztunak heziko dituen Hizkuntza-Proiektua garatzeko Gida Praktikoa aurkeztuko du, abenduaren 2an Bizkaiko Dima herrian burutuko dugun ekitaldian. Ekitaldia irekia izango da; 12:00etan Dimako Eskolan.

2017-11-20

Sortzen Elkartetik bat egiten dugu Nafarroako gehiengo sindikalak datozen egunotarako deitu duen dinamika mobilizatzailearekin. Helburua: murrizketarik gabeko kalitatezko hezkuntza baten premia aldarrikatzea. Horretarako, premiazko hiru neurri mahaigaineratu dituzte: ordezkapenak lehenengo egunetik, eta klase orduak eta ratioak jaistea.

Azaroaren 23an, 30ean eta abenduaren 12an izango dira mobilizazioak. Beraz, animo eta aurrera! Nafarroako Hezkuntzan ere Aldaketaren alde bultza dezagun.

2017-11-16

Aurtengo Errigorako "Euskarari puzka" kanpaina bukatu berria dugun honetan, Sortzen Elkarteak Nafarroako zonalde diskriminatuan ireki diren D ereduko lerroak babesteko eta indartzeari begira aurkeztu genuen Haizea Dinamika jada martxan dagoela jakinarazi nahi dizuegu. Errigoratik jasotzen dugu ekarpen ekonomikoa ezinbestekoa dugu dinamika hau aurrera eraman ahal izateko.

2017-11-09

Aste honetan, Sortzen Elkarteak bat egin du Iruñerriko Euskalgintzarekin eta Unibertsitateko zenbait sindikatu eta ikasleen taldeekin, oinarrizko aldarrikapen baten inguruan: Euskarazko eskaintza handitu beharra dago NUPen. Aldi berean, unibertsitate honen Euskararen Plan Gidaritza kritikatu dugu.

Argi utzi nahi dugu D ereduko ikasleen eskubidea dela, Unibertsitatean ere, beraien ikasketak euskaraz egin ahal izatea. Beraz, gure babes osoa datozen egunotan egingo diren ekimen guztiei. Hona hemen aste honetan eman genuen prentsaurrearen testua: (Argazkia Javier Bergasarena da)

Materiala

  • Agenda

  • Lan Poltsa. Bete ezazu galdetegia.